近期大熱 挽肉と米

挽肉と米最近非常紅,皆因香港第一分店係IFC開張,仲要排幾個鐘攞飛,認真誇張!
唔想排隊嘅我當然係喺發源地日本試食啦,一直都有好多朋友推薦,今次就揀咗喺渋谷分店嘅挽肉と米,大部份日本餐廳都會提供預約服務,今次係試食當日早一星期上tablecheck預約｡

渋谷分店嘅位置好難搵,好彩預早出發,去到都係啱啱好準時到達,但係同我一齊到達嘅客人就唔好再因為佢搵路而遲咗所以被取消預約,日本人係非常守時的｡

講返用餐體驗,一入門口就有服務員安排你到自助售票機點餐付款,之後被安排到吧枱位置坐低,只有一款餐選擇,1800yen包咗三塊牛肉､麵豉湯､生蛋､無限白飯｡佢成個廚房都係open kitchen,你可以一直望住職員喺度幫你燒牛肉｡

肉質非常好味仲要好多汁,不過如果女士食的話可能略嫌太漏啦｡佢有好多不同調味料比你選擇,其中一塊牛肉就係比你點生蛋食｡

整體來講性價比好高,最重要唔需要排隊而且日圓貶值更加值得去試!

😋😋😋😋😋/5

#日本好去處 #旅行美食 #旅行打卡 #社群請您睇音樂會 #東京自由行 #日本 #挽肉と米